Isumat.com/8:21AM, Abril 16, 2021

Nakasulod na ha probinsya han Samar an African Swine Fever (ASF), an sakit nga nakakadarahig han baboy.

Sumala han impormasyon, an ASF in naka-apektar hin mga baboy ha duha nga barangay ha Calbayog City kun diin lima nga baboy an nagpositibo han sakit. An nasabi nga mga lugar amo an Barangay Capacuhan ngan Barangay Obaob.

Nagkasasakit ngan mayda na nagkamamatay nga kababuyan dida han nasabi nga mga barangay, pahayag pa han report. Dara hini, naghihimo na yana han kaangayan nga pitad an Veterinary Office han syudad basi makontrol an sitwasyon.

May posibilidad nga an ASF in tikang han sur nga dapit han Lope de Vega, Northern Samar kun diin mayda na kababoyan didto nga nagpositibo han ASF. Ini nga bungto in sapit la han Calbayog City. #