Isumat.com/Oktubre 4, 2022
Padayon an gindudumara nga imbestigasyon han mga otoridad kasumpay han pagpataya hin usa nga barangay kapitan ug kasamad han iya anak ha Northern Samar.
Ha report han PNP, ginkilala an namatay nga hi Yolando Jarito, 58 anyos ngan kapitan han Brgy Diit De Turag, Silvino Lubos; ngan nag-antos hin igo hin bala ha tiil an iya anak nga Yolando Jr, 28 anyos.
An magtala-amay in pinanmusil ha sulod mismo han ira balay. An tulo mga suspetsado in sakay hin motorsiklo ngan natabo ini hadton Sabado, Oktubre 1, 2022.
Syahan nga ginpusil an barangay chairman ngan naigo liwat ha tiil an iya anak.
An mga kapulisan in nagbubuhat han paghalpat han mga suspetsado basi magkadadakop ngan matudlok an motibo han krimen. #
