Isumat.com/9:56PM, May 25 2020

Waray pa ngani makakatukdaw han distroso ni bagyo Ambo ngan kwarentina han Covid-19, aadi na liwat hin kalamidad nga natatabo yana ha Oras, Eastern Samar.

May natatabo nga wildfire ha kabubkiran ha sinirangan nga dapit han poblacion ngan sumala han inisyal nga report, nagtikang an kalayo kanina antis han alas 5 han kulop ha kabubkiran ha may Barangay Pangudtan nga tres kilometros la an distansya ha poblacion.

Han ginsusurat ini nga notisya, aada na ha luyo han Brgy Tiguib an kalayo.

An mga bumbero han Oras in aadto na ha lugar han insidente ug an mga BFP personnel tikang han paghagrani nga mga bungto in nagtikang na pagka-abot ngadto basi poypoyon an kalayo. # (KEVIN SIOSANA)