Isumat.com/7:15PM, June 5, 2020
Ha atubangan han duro ka istrikto han pagpasulod han mga katawhan ngadto hini nga syudad, nakalusot na an ginkakahadlukan nga kagaw ha Ormoc City.
An DOH-Regional Office in nagpasamwak yana nga gab-i nga an positibo nga kaso ha Ormoc in usa nga OFW . Hiya in 49 anyos nga lalaki nga nagtrabaho ha Saudi Arabia. Umabot hiya ha Tacloban Airport hadton Mayo 27, 2020.
Hiya la an positibo han virus dida han latest results tikang ha EVRTC para hin 90 nga samples.
Dara hini, ini nga Ormocanon an ika-49 nga natapnan nga tawo denhi ha Eastern Visayas.
Hi Ormoc Mayor Richard Gomez in nagsumat nga ini nga pasyente in aadto yana ha Covid Ligtas Center Isolation Unit ha ira syudad. Waray pa hiya igka-urusa han iya pamilya tikang han iya pag-abot.
Ha bug-os naman nga rehiyon, mayda yana 1,369 nga ginmomonitor nga suspected cases han corona virus. # (KEVIN SIOSANA)
