Isumat.com/9:05AM, June 2, 2020

Duha na ka tawo an nag positibo han COVID-19 ha Baybay City. Ini an iginbuyagyag ni Mayor Jose Carlos Cari ha social media pira pala ka minutos an nakalabay.

Sumala kan Mayor Cari, ini nga tawo in iginkadungan ha pagbyahe han OFW nga taga Baybay nga syahan nga nag positibo han virus. Dara hini, nagdumara hin contact tracing ngan ginkuhaan hin swab sample ngan nag positibo gihapon han kagaw.

Usa liwat hiya nga OFW nga iginkadurungan han syahan nga batch nga naka-uli hadton Mayo 25, 2020.

Ginpatapod ni Cari nga naka-isolate ini nga tawo ngan waray pa ini igka-urusa ha iya pamilya.

An duha ka tawo nga COVID Positive ha Baybay in maupay an panlawas ngan waray ginpapakita nga sintomas han sakit.

An mga health workers nga iginkahibalag hini nga mga tawo in nagpapa-ilarum gihapon hin kwarentina, pahayag pa ni Cari. # (KEVIN SIOSANA)