(Image by filipinolive.com)

Isumat.com/Mayo 19, 2021

Usa nga kaapi han Bureau of Fire Protection (BFP) an naawat an kinabuhi han makigpusilay hiya ha mga tinubyanan han balaud ha usa nga anti-iilegal drugs operation kakulop ha Brgy Rizal, Sogod, Southern Leyte.

Ginkilala an namatay nga suspetsado nga hi Jody Daclan Magallanes, 40 anyos, ngan nag-uukoy ha Brgy Mahayahay han nasabi nga bungto. Hi Magallanes in nakadestino ha Mahaplag, Leyte Fire Station.

An mga otoridad in nakapalit tikang han suspetsado hin dako nga sachet hin gin-aalegar nga shabu nagkakantidad hin 70 Mil pesos.

Katapos han pagbalyu-ay han kwarta ngan droga, naka-abat hi Magallanes nga mga pulis an iya ka-transaksyon ngan iya ginbulnot an iya kalibre 45 nga pistola ngan nagpabuto. Bumulos pagpabuto an kapulisan ngan na-igo ha magkalainlain nga parte han lawas an gintatahapan.

Kadagmitan gindara an suspetsado ha hospital pero gindeklarar han doktor nga dead on arrival. #