Isumat.com/11:02AM, July 24, 2020

Waray na makadangat ha Palompon, Leyte an barko han Cokaliong Shipping Lines, Inc. han maglalahinggab ini ha kadagatan pasado alas 9 kagab-i (Hulyo 23, 2020). An M/V Filipinas Dinagat in lumakat ha Pier 1 ha Cebu alas 7 han gab-i ug an destinasyon amo an Palompon.

Iginreport han Philippine Coast Guard nga banda alas 10 han gab-i nakakarawat hira hin report nga nasusunog an barko ha kalalawdan ha bungto han Carmen, Cebu. Kadagmitan nga gin-deploy han Coast Guard an BRP Suluan nga barko basi manginano han insidente ngan salbaron an mga pasaheros.

Nagpahayag pa an Coast Guard nga natalwas an 47 nga tripulante ug an kapitan han barko. An kapitan in nagmando nga baya-an na nira an barko samtang nagtitikadako an kalayo. Pira gihapon nga sakayan pandagat an umayuda ha pag-rescue han mga personales han barko.

Gindudumara na yana han mga otoridad an imbestigasyon basi matudlok kun ano an hinungdan han panhitabo.

Luran han barko an mga kargamento, produkto ngan mga epektos nga para unta ha Palompon ngan paghagrani nga mga lugar. #