Isumat.com/5:25PM,April 27, 2020

Nagpakita hin bulawanon nga kasing-kasing an mga mimbero han Pantawid Pamilyang Pilipino Program (4Ps) han DSWD ha usa nga barangay ha Daram, Samar ug usa liwat nga kaapi hini tikang ha Arteche, Eastern Samar.

     Sumala han report nga nahikay han Isumat.com, an mga 4Ps beneficiaries ha Brgy Sua, Daram, Samar in nag-aragmot basi makapalit hin hinabang para han deri mga miembro han nasabi nga programa.

     Ha panguna han ira Parent Leader ngahi Gelina Olajis, nagka-urusa hira nga mag-aragmot hin kantidad tikang han ira nakuha nga ayuda pinansyal ug ira ini igiinpalit hin noodles, gatas ngan kape ngan ginhatag ha ira mga ka-barangay.

     Kasumpay hini, nagpabati hin tim-os nga pagpasalamat an DSWD-Regional Office hini nga darayawon nga binuhatan han grupo labi na ha panahon han krisis.

     Samtang, didto ha Arteche, hi Erlinda Dalina, nga taga Barangay Garden in nag-uli han singko mil pesos nga iya nakarawat dida han Social Amelioration Program (SAP). Sumala han impormasyon, nagdesisyon hi Dalina nga igbalik ha gobyerno an kwarta kay miembro man hiya han 4Ps ug kun deri niya igbalik magdo-doble na nga ayuda pinansyal an iya matatagamtaman.

     Sering pa niya nga angay la nga igbalik niya an kwarta para mahingadto lugod ini han iba pa nga nagkikinahanglan.

     An LGU-Arteche ha panguna ni Mayor Boie Evardone an nagdayaw hini nga binuhatan ni Dalina. #