(File photo by shutterstock)

Isumat.com/Pebrero 7, 2022

Tungod han kabayanihan hin usa nga sundalo, na-ibitaran nga matabo in usa nga trahedya ngadto hin usa nga bata ha Limasawa, Southern Leyte nga aksidente nahulog ha dagat hadin nag-agi nga adlaw.

Dida han report nga nahikay han Isumat.com, an 4-anyos nga lalakihay in nagmiminulay ha pantalan nga namumutang ha Brgy Magallanes han aksidente mahulog hiya.

Tyempo naman nga may mga sundalo han 14th Infantry Batallion nga naka-duty didto han lugar. Hi PFC Ronald Cajes in waray magruhaduha pag-ambak ngadto han dagat ngan iya natalwas an nag-iikalurumos na nga bata.

An mga tropa han Philippine Army in aadto pa yana ha Limasawa ngan iba nga parte han Southern Leyte basi umayuda han rehabilitasyon han lugar nga ginlapingka ni bagyo Odette hadin Disyembre 2021. #