(Photo by Sun Star)

Isumat.com/8:32AM, August 1, 2020

Tulo nga kalalakin-an an nagkamamatay han matabunan hira han nagtimpag nga bukid ha Brgy Canlawis, Pintuyan, Southern Leyte kakulop nga adlaw.

An mga biktima in ginkilala nga hira Ruben Guibao, 20-anyos, taga Sogod, Southern Leyte; samtang taga Pintuyan naman hira Adelberto Gales, 35-anyos, ug hi Joel Maique, 43-anyos.

Dida han imbestigasyon, hinsabutan nga an mga biktima in naghihimo hin quarrying o nag-uukad han ligid nga parte han bukid han tigda la nga magpanpan an tuna ngan natabunan hira.

An mga rescue workers in naningkamot nga maukad an mga biktima ngan madara ha hospital pero igindeklarar hira han mga doktor nga Dead on Arrival.

Ginbabanabana han mga otoridad nga an pira ka adlaw nga pag-inuran an nagin rason han paghumok han tuna ngan pagtimpag hini. #