Isumat.com/Mayo 29, 2023

Nag-antos na liwat hin kadiskarel an CPP-NPA ha Sinirangan Bisayas tungod han kadakop hin duha han ira higtaas nga lider dida hin operasyon ha San Jose del Monte, Bulacan han nag-agi nga semana.

Ha pahayag han Philippine Army 8th Infantry Division, ginkilala an mga nagka-aaresto nga hira Rosita Solayao Taboy alyas Laling ug an iya mister nga hi alyas Beto.

Hi Laling amo an anay sekretarya han regional Organizational Development han Eastern Visayas CCP-NPA Regional Party Committee kun diin hiya in miembro han Executive Committee.

An magti-ayon in naatubang hin mga kaso nga multiple murder ngan multiple frustrated murder ha magkalainlain nga mga korte ha Samar ngan Northern Samar.

Gintutudlok gihapon hira nga nagpapaluyo hin pagsunog hin linya han komunikasyon, ngan pag-ambush kun diin napulo nga kasundaluhan ngan usa nga bata an naawat an kinabuhi. #