TACLOBAN CITY – Masobra 2 ka kilo hin marijuana an na kompiskar han mga otoridad tikang ha duha nga suspek ha gindumara nga buybust operation ha Brgy. 6-A Sto. Nino Extension ha syudad han Tacloban.
Subay ha pamahayag ni PSSUPT Rolando Bade, Hepe han Tacloban City Police Office, ginkilala an duha nga suspek nga hira Ivan Almaden, 26 anyos an pangidaron, residente han mao nga barangay ngan hi Lord Achilles Llosa Co , 24 anyos an pangidaron, ulitawo ngan residente han V & G Subdivision.
Nakuha ha mga suspek an maabot 2 and 1/4 kakilo nga liso ngan dried marijuana sugad man 3 kabug-os nga P 300 bill nga buy bust money ngan usa nga cellphone.
Nakuha liwat an usa ka unit hin 38 caliber pistol, nga usa ka bug-os nga M203 Ammunition.
Maatubang hin kaso an mga suspek ha pagtalapas han Sec. 5 ngan 11 han Article 2, RA 9165 ngan RA 10591 Illegal possession of firearms and ammunition ngan RA 9516 Illegal Possession of Rifle Grenade.