Isumat.com/7:27AM, Enero 22, 2021
Sakripisyado yana in pira nga pamilya ha Brgy Matobato ngan Brgy Capoocan, Calbayog City han ma-ugbaw han kalayo an ira kabablayan hadin nag-agi nga adlaw.
Dida han report han Bureau of Fire Protection, napulo nga kabablayan an naanaw, pito ha Capoocan ngan tulo ha Matobato dida han kalayo nga gintotoohan nagtikang ha balay ni Arnel Sese.
Tungod kay hinimoan hin light materials an paghagrani nga kabablayan, nagin madagmit an paglarab han kalayo. Nagsering an BFP nga porlomenos 400 Mil pesos an danyos han sunog ngan ini in padayon pa nira nga gin-iimbestigar.
Waray naman nahireport nga namatay o nagkaada hin karamtan ha lawas dida han nasabi nga insidente. #
