Isumat.com/9:45AM, June 16, 2020
Nakasikmit an mga tinubyanan han balaud hin upat nga suspetsado hin pagbaligya han iligal nga droga dida hin magkalain nga operasyon ha Tacloban ngan ha Samar.
Hadin nakalabay nga adlaw, an mga operatiba han Tacloban PNP ngan PDEA-Region 8 in nagdumara hin buy-bust operation ha Brgy 53 han syudad. Na-aresto hi Mildren Jusay, 20 anyos ug duha pa nga iba nga nag-eedad hin 18 anyos.
Narekupo tikang han tulo in pira ka sachet hin gin gintoto-ohan nga shabu ug an buy-bust money nga kinyentos pesos.. Hi Jusay in lakip han aada ha drug watchlist han PNP.
Na-aresto naman han mga otoridad hi Jonard Austria ha Brgy Dampigan, Sta. Rita Samar hadton Hunyo 13 ha usa gihapon nga buy-bust operation.
An gintibhong nga pwersa han Tacloban PNP, Sta Rita PNP ngan PDEA an naghimo han operasyon basi madakop an drug personality nga residente han Tacloban. Nakumpiskar tikang han suspetsado in duha ka sachet hin marijuana ug an 1000 pesos nga buy-bust money.
An mga suspetsado in preso na yana ngan nakatalaan umatubang han mga kaso kontra ha ira. #
