allen northern samar

TACLOBAN CITY – Padayun nga nagpapailarum ha psychosocial intervention an usa nga waitress mahuman ini nga mahostage han usa nga lalaki ha Northern Samar.

Ginkilala an biktima nga hi Maricel Ignacio, 36 anyos an pangidaron, may asawa at residente han Barangay Jubasan, Allen, Northern Samar.

An biktima in nag papabilin yana ha Northern Samar Provincial Hospital mahuman nga makag-angkun hin samad ngan ka-trauma han Hostage drama kanina ha mao nga lugar.

Una hini han ginkilala han Kapulisan ha Northern Samar an suspek nga hi Jonie Topacion, 27 anyos, may asawa ngan residente han Barangay Dolongan, Basey Samar.

Sumala kan PSI Rommel Quiño, hepe han Allen PNP nga tikang ha Manila an mao nga suspek ngan pauli na unta ha Basey, Samar nga kun diin hiya in naukoy.

Pero an naging masaklap in nabayaan an mao nga suspek han iya ginsasakyan nga bus rasun para han magsirom an iya panlantaw.

Tungod han ka waray iparasahe in napiritan an mao nga Suspek nga manholdap.

Dugang pa ni Quiño, nga gin-amin han Suspek nga gumamit ini hin illegal na droga pira ka adlaw an nakakalabay sugad man waray ini sakto nga kaon.

Aada na ha  Kostudiya han Allen PNP an suspetsado.