TACLOBAN CITY – Ginpasakahan na han Kapulisan ha Palo Leyte an tulo nga mga Kalalakin-an nga Suspek han pangawat nga nagresulta pa ha pagkakapatay han usa nga Baranggay Kagawad ha bungto han Palo, Leyte.Sumala kan PSInsp Joselito Villas,Hepe han Palo Police Station, nga mayda na hira identipikasyon han mga suspek pero diri pa ini nira pwede nga igpagawas.
Man ngani ha pagkayana in ira na ginpasakahan hin kaso nga Robbery with Murder an mao nga mga Suspek.
Nabaruan nga mismo la mga Taga Palo, Leyte an mga suspek basar han Testimonya ni Felly Cobacha, asawa han biktima nga baranggay kagawad nga hi Benito Cobacha sugad man han mga nagpakakita han mao nga panhitabo.
Manunumduman nga dida la han nag-agi nga Huwebes samtang nga namemerkado an mag-asawa in tigda la nga gin-agaw an dara hini nga Sling bag ngan pwersahay nga ginkuha an kwarta nga nakantidad 7 mil de pesos.
Napusil patay naman han usa ha Tulo nga suspek an Baranggay Kagawad mahuman ini nga umato ha mga Suspek.
Padayun naman an pamiling hin hustisya han Pamilya han biktima.
