Kinahanglan matagan hin pasidungog an mga mangirisda nga naka diskobre han shabu ha kadagatan han Northern Samar.

Sumala kan Philippine Drug Enforcement Agency – 8  (PDEA-8) Regional Director Edgar Jubay nga dako  nga bagay nga waray pag interese han mga paropangisda an mga shabu nga nag kakatidad hin 66 Million pesos kundi ira lugod ini guin tubyan ha mga otoridad.

Pag aadman han PDEA kon  ha ano nga paagi hira makaka hatag hin pasidungog mahitungod nga an pwede la matagan hin reward adton mga impormante nga  nag hahatag hin mga impormasyon parti han mga tawo nga nahidadabi han operasyon han illegal drugs.

Kon waray ma diskubrihi an mao kontrabando sigurado nga ini in mahibabaligya han mga tawo nga nahidadabi  han sindikato han illegal nga droga.

Mahi nunumduman nga upat ka putos hin shabu an na diskobrehan nga nag lulutaw-lutaw ha kadagatan nga sakop han Barangay Pio Del Pilar ha bungto ha Biri ha Northern Samar hadton adlaw han Byernes Agosto 9.