Isumat.com/6:40AM, October 5, 2020
Naglansad na hin manhunt operations an mga tinubyanan han balaud basi madakop an panguna nga suspetsado han pagpatay hin duha nga nurse ngan usa nga nursing student ha Caloocan City usa na kasemana an nakalabay.
An Caloocan City PNP in nagpahayag nga an suspetsado nga hi Anselmo Singcol in kumalagiw ngan posible umuli ha Ormoc City ngan nagtitinago yana didto han mao nga syudad. Hi Singcol an gintatahapan han pagmasaker han duha nga nurse ngahira Mona Ismael, 22 anyos ngan Glydel Belonio, 28 anyos; ug an 22-anyos nga nursing student ngahi Arjay Belencio.
Natabo an panmatay hadton maagahon han una nga Domingo. Hi Singcol in nagtrabaho anay komo construction worker han balay nga gin-uukyan han mga biktima. Ini nga balay nga gintitindog in gintatag-iyahan han paryente han mga biktima nga nagtatrabaho ha iba nga nasud.
Sumala pa han report, ginpatanggal hi Singcol kay nadiskubre han mga biktima nga nagamit hiya hin iligal nga droga.
Ginpanmumuno hin kutsilyo an mga biktima nga nagin hinungdan han ira kamatay ngan ginkawat han suspetsado in 40 Mil pesos ngan mga cellphones.
An duha nga kabugtu-an ni Singcol nga trabahante gihapon dida han construction in gintudlok nga mga Persons of Interest han kapulisan. # (with report from Philippine Star)
