Isumat.com/8:47AM, June 4, 2020
Usa nga maestro ha Senior High School an nakwelyuhan han mga operatiba han Tacloban PNP dida han gindumara nga illegal drug buy-bust operation hadin nakalabay nga adlaw.
Subay han report han Tacloban PNP, ginkilala an suspetsado nga hi David Martin Leon, 35 anyos, Senior High School Teacher, ngan ginkokonsiderar han mga otoridad nga high value target.
Na-aresto hi Leon ha Brgy 77, Janrey Subdivision kun diin hiya nag-uukoy.
An posuer-buyer nga pulis in nakapalit hin usa ka sachet hin gin-aalegar nga shabu tikang han suspetsado. Ug han dakpon na hiya, nakakumpiskar pa an kapulisan hin duha ka sachet han iligal nga droga nga nagkakantidad hin 4,500 pesos.
An suspetsado in iginpaslak ha lock-up facility han Tacloban City Police ngan nakatalaan pagsampaan hin kaso ha pagtalapas han Republika Acta 9165. # (KEVIN SIOSANA)
