Deri na ba mag anak iton mga taga sinirangan bisayas hinungdan nga mayda ini pinaka habobo nga pag hitaas han popolasyon ha bug-os nga Pilipinas ini in subay han gin dumara nga census of population and housing hadton 2020 han Philippine Statistics Authority?
Nakag rehistro la hin 0.50 percent nga pag hitaas han popolasyon han sinirangan bisayas kon ini in ig kukupara hadton 2015 o kon ha pag labay hin lima katuig tikang han painaka urhi nga census of Population.
Sumala kan Reyan Arinto han Population Commission -8 ha interview haiya han programa nga “Straight To The Point” han 99.1 IFM RMN Tacloban ni Eduard Sanagan iya gin sumat nga pira han mga rason hini amo an pag habubo na han “Fertility Rate” han mga ka babayen-an mahitungod han kahibaro na hini han pag gamit han mga “artificial contraceptives han pag plano han pag pamilya han mag asawa ngan sugad man an padayon nga pagka lakat han mga tawo ngadto hiton mga dagko nga siyudad agud mag pakabuhi ngan didto na liwat an mga ini nag pupundar han ira mga pamilya.
Pero gin klaro ni Arinto nga bisan kon gutiay la an na dugang han populasyon han rehiyon otso dako la gihapon ini kon ig kumpara ha iba nga rehiyon. Subay han datos tikang ha PSA an rehiyon otso in mayda na popolasyon nga hapit 4.77 million tikang han 4.44 Million hadton 2015.
Subay han proklamasyon han Malacanang nga umabot ni hin sobra 109 Million iton kadamo hit tawo ha Pilipnas ngan an mga luagr may pinakadamo nga popolasyon amo an Region IV-A (CALABARZON) nga mayda 2020 16,195,042, gin sundan han National Capital Region (NCR) 13,484,462 ngan region III (Central Luzon) 12,422,172.
An popolasyon han nasud in nadugngan hin 8,053,906 tikang han 100,981,437 hadton 2015, o kon annual population growth rate (PGR) nga1.63 percent.
