TACLOBAN CITY – Usa nga Pulis opisyal ha Probinsya han Leyte nagpa-anak ha usa nga burod ha Abuyog, Leyte.

Burod nga hi Daisy Cabus gin-aasisteran panganak ni PO3 Fernan Canuda han Abuyog Police Station

Natabo an pag-paanak ha Brgy. Loyonsawang, Abuyog, Leyte nga kun diin nangaro hin bulig ha ira an burod nga nagngangaran nga hi Daisy Cabus.

Istorya ni PO3 Fernan E. Canuda nga nagpapatrolya hira han mao nga lugar han ginsampit hira ni Cabus.

Waray na mahingailob hi Cabus nga makaghulat hin ambulansya tungod nga bumuto na an Patubigan hini.

Tigdaay naman nga gumawas an baby nga ginsalo naman ni PO3 Fernan.

Makikit-an ha litrato nga gin-share han Abuyog Police ha Facebook nga kapot ni Po3 Fernan an baby boy.