Tacloban City Mayor Alfred Romualdez

Nag submiter na han ira mga Certificate of Contributions and Expenditures (SOCE) hira Tacloban City Mayor -Elect Alfred Romualdez ngan Vice Mayor – Elect Jerry Yaokasin ha opisina han Tacloban City Comelec.

Sumala kan Atty. Maria Goretti Canas an Comelec officer nga umabot hin 204,000 pesos an ginastos ni Romualdez samtang 15,000 pesos naman an kan yaokasin han naglabay nga May 13 national ngan local elections.

Subay hiton omnibus election code nga an pwede la gastuson han kada kandidato nga may partido in 3 pesos kada botante samtang nga 5 pesos naman adton mga independent nga kandidato ngan mga partylist groups ngan an iba pa nga mgapartido polikal.

An siyudad han Tacloban in mayda sobra 149 mil nga mga botante, karuyag sidngon nga pwede la gumastos an usa nga kandidato nga may partido hin porlomenos 447,000 pesos ngan 745,000 pesos naman adton mga independent Candidate.

Ngatanan nga mga kandidato na pirde man o nag daug in obligado nga mag submiter han ira SOCE, ngan deri tutugotan nga maka lingkod ha pwesto adton mga nag daug nga kandidato kon deri hira mag tutuman han iguin susugo han balaud.

Hira Romualdez ngan Yaokasin in mga “unopposed” dida han nag labay nga election.

Tacloban City Vice Mayor – Elect Jerry “Sambo” Yaokasin.