TACLOBAN CITY – Padayun nga ginbabaruan yana han mga Kapulisan an identipikasyon han usa nga babayi ngan nakit-an nga waray na kinabuhi ha Baranggay Balagtas, Matag-ob, Leyte.
Sumala kan PCInsp Adelino Pulga, Hepe han Matag-ob, PNP, nga diri pa nira mabaruan an identipikasyon han biktima labi pa nga waray may nakikilala hini.
Mismo an mga residente ha kun diin hiya nakit-an in diri nakilala hini.
Ada naman ha edad 35- 45 an mao nga biktima.
Sumala kan Pulga, posible daw nga biktima hin Summary execution an mao nga biktima labi pa nga nakagapos an duha hini nga kamot pati na an iya duha nga mga tiil.
Mayda gihapon ini samad banda ha iya ulo.
Waray naman nira katudlok kun may kalabutan ba ha Iligal nga droga an pagkamatay han mao nga biktima.
Padayun gihapon an ira imbestigasyon yana bahin han mao nga insidente. /isumat.com
