Isumat.com/8:01AM, September 14, 2020
Nahulog ha poder han gobyerno in usa nga hirimo-an o pabrika hin bomba han mga rebelde nga New Peoples Army ha Sitio Baga, Brgy Mabini, Basey, Samar.
Dida han report han kanan Philippine Army 63rd Infantry Battalion, kaupod nira an PNP 12th SAF Battalion han mabuksot nira an nasabi nga kampo kun diin narekupo didto in lima nga bomba, 18 nga bomb shells, wires, steel cutters, mga materyales ha paghimo hin bomba ngan subersibo nga mga dokumento.
An mga residente han nasabi nga lugar an naghatag hin impormasyon mahitungod hini nga kampo, sumala kan Lt Col Allan Orbito, an nangungulo han mao nga batalyon han army.
Nagpasalamat naman hi hi BGen Camilo Ligayo, 801st Brigade Commander, ngadto han mga baryuhanon han ira pagpadangat hin impormasyon.
#
