TACLOBAN CITY – Arestado an usa nga most wanted person ha Bobon Northern Samar mahuman an ginbuhat nga manhunt operation han mga kapulisan ha Brgy. Sta. Clara, Bobon Northern Samar.
Ginkilala an suspek nga hi Ernesto Lanang y Jarito, 29 anyos an pangidaron, inasaw-an, usa nga construction worker, ngan residente han Brgy. Sta. Clara.
Sumala kan PCI Bonifacio Ricafort han Bobon MPS, nga Number 7 most wanted person an mao nga suspek kun diin ginpasakahan hin kaso nga murder ngan ginserbihan han warrant of arrest Criminical Case no. C-5411, nga gin-isyu ni Hon. Norma M. Cardenas, presiding judge han RTC-branch 19 Catarman Northern Samar.
Samtang, ha pagkayana in waray nakatala nga bailbond para han suspek ha iya temporary liberty.
