Diin dawla gin lalabog iton mga hugaw nga gin kukuha ha mga septic tank hit mga operator hin “waste water hauling” tungod kay waray man bisan usa nga gin tagan hin Environmental Sanitation Permit tikang ha Department of Health Region-8 (DOH) kay waray man liwat may nag aaply hini haira.

Ini an gin sumat ni Engineer Percival De Paz an nag mamangulo han Environmental and Occupational Health Unit hiton DOH-8 ha interview ni Eduard Sanagan han programa nga “Straight to the Point” ha 99.1 IFM RMN Tacloban.

Subay hiton patakaran hiton DOH deri pwede mag hatag hin business permit iton mga local government Units ha mga establisemento nga an negosyo in pag limpyo han mga septic tank nga deri makuha hini nga permit. Pero ha luyo hini damo an mga operator hini nga negosyo.

Mayda ba ini hira mga business permit o waray nga gin papa bay-an hiton mga local Government Units nga na tutungdan.

Sumala pa kan Engineer De Paz nga mayda duha nga operator hin “treatment facility” para han mga hugaw nga na tikang ha septic tank pero pending pa an application hini haira opisina.

Pamati han interview kan Engineer De Paz para han iba pa nga detalye. ( Credit: 99.1 IFM RMN Tacloban)