Mas dumamo pa an mga kaso han Diarrhea ha siyudad han Tacloban ngan mayda na mga pasyente tikang ha iba nga mga bungto
Subay han mga impormasyon nga nahikay han isumat.com ha Eastern Visayas Medical Center (EVMC) umabot na hin 84 an mga pasyente nga naha sulod han mao nga hospital tikang hadton October 23 tubtub october 27 2022.
Gin Sumat ni Atty. Roby Penalosa an Media Relations Officer han EVMC nga dida han 84 nga mga kaso han diahrrea 75 hini in naka confine pa han mao nga hospital 9 naman an naka gawas na, 2 an namatay an usa in dead on arrival ngan an usa in namatay samtang nga gin tatambal ha Emergency Department han hospital.
45 nga mga pasyente in mga kabatan ngan 39 naman in aada na ha igo nga mga pangidaron nga kadam-an hini (65 nga pasyente) in tikang ha usa la nga barangay nga amo an Barangay 106 Barangay Sto Niño ha may northern Barangay han Tacloban. An iba nga mga pasyente in tikang ha mga barangay nga masunod: 105, 107, 91,93, ngan 37-A.
Mayda liwat 2 nga na confine nga pasyente tikang ha iba nga lugar an usa in tikang ha barangay Tinaogan han Basey Samar ngan an usa in tikang ha bungto han Babatngon Leyte.
