Isumat.com/Enero 31, 2023
“Magigin mahinungdanon an paglangbo han ekonomiya kun aabaton ngan matatagamtaman ini han kablas nga saktor han komunidad.”
Ini an nagin pahayag ni Eugene Tan, Presidente han Philippine Chamber of Commerce and Industry – Tacloban Leyte Inc. komo reaksyon han pasamwak han gobyerno nga an Gross Domestic Product (GDP) han Pilipinas in nagkaada hin 7.2 percent growth han last quarter han 2022.
Sumala kan Tan, an ira grupo in nalilipay hini nga notisya kay bootsidngon hini, na-ursa an ekonomiya han nasud. Pero iya gintagan hin duon nga magigin mabinungahon la ini kun makaka-agom hin dako nga pag-uswag ha ira kinabuhi an mga kablasanon.
An pag-uswag han ekonomiya in usahay deri inaabat han mga pobre, sering ni Tan, sanglit kinahanglan manlimbasog pa an gobyerno nga makakabenipesyo hini an kabos nga aton igkasi Pilipino.
Ha panig han ira grupo, nagsering hi Tan nga naghihimo hira hin mga gi-os basi deri magin grabe an dagmal han kakuri-an ngadto han mga konsumidor. Sering pa niya, dako na hin duro an epekto han hitaas nga presyo han panguna nga papliton ngadto han ordinaryo nga trabahante.
Dara hini, kun may mga anunsyo hin umento ha presyo ha basic commodities , an ira grupo in deri nagpapa-umento hin kadagmitan basi makabulig-bulig pagpas-an han sakripisyo han mga konsumidor, pahayag pa ni Tan. # (via Joey Gabieta, PDI)
