Ma walo na ka tuig an nag labay kahuman han pag lasurbo han bagyo yolanda waray pa ngatanan ka turn-over an mga housing units nga para han mga biktima hini ha siyudad han Tacloban.
Ha sakob han 14,000 units mayda pa sobra 5,000 ka units an waray pa ma turn-over han National Housing Authority (NHA) ha siyudad han Tacloban agud ini in opisyal na nga ma ipan hatag ngadto han mga binisyaryo . Ini an gin sumat ni Teddy Jopson han City Housing and Community Development Office ha interview ni Eduard Sanagan han 99.1 IFM RMN Tacloban.
Sumala kan Jopson nga deri liwat basta basta nga makarawat iton siyudad han mga housing units tikang ha NHA kon dire anay ini papa nginanuon han City Engineers Office mahitungod nga iton siyudad iton mag babaton kon pananglitan deri maupay an ka himo han mga ini.
Ha sakob han 5,572 nga na bibilin nga waray pa ka turn-over nga mga housing units ini in nag lalakip han Ridgeview Park 1 and 2 , guadalope 1 and 2 ngan duha pa nga housing projects. Pero bisan waray pa ini ka turn over na raffle na an 4,511 units ngadto han mga benificiaries ngan gin uukyan na an 2,007 nga mga panimalay han pira nga mga benipisyaryo.
Karuyag na ni Mayor Alfred Romualdez nga itubyan na ha siyudad an mao nga mga housing projects human man ini o kon deri kay ma mimiling nala hin pundo iton siyudad pag ayad hini agud deri na mag maiha iton panhatag hini ngadto han mga benipisyaryo.
Kasumpay hini, Padayon iton gin dudumara nga “validation” han mga benipisyaryo han opsina ni Jopson agud ma siguro nga an matatagan han mga panimalay in mga taga Tacloban ngan kwalipikado nga maka karawat hini.
Pamati han interview kan Teddy Jopson para ha ka dugangan nga mga detalye.
