68 la unta nga mga job orders (JO) nga mga mag tratrabaho an pwede kuhaon han Sangunian Panglunsod ha Tacloban pero umabot ini hin 326 tikang han bulan han Enero tubtub bulan han setyembre 2018.

An pwede la gastuson nga budget para han mga JO subay han aprubado nga budget para han legislative service and research program han Sangunian Panglungsod in 5 million la pero an ginastos pag pasweldo han mga ini in umabot hin 14 million o nag sobra hin hapit 9 million.

Ini amo an unod han Audit Observation Memorandum han Commission on Audit kan hadto anay mayor Cristina Romualdez nga may petsa nga march 8, 2019 nga kon diin nag mamando kan Mayor Romualdez nga mag submiter han iya baton parti han audit findings.

Hi Romualdez in nag mando liwat ngadto kanda Vice Mayor Jerry Yaokasin, OIC-HRMO Ruena M. Mate ngan han OIC-Budget Officer Redentor Curate nga eg esplikar kon kay ano nasugad hin ka damo an mga JO han Sangunian Panglungsod.

Dida han baton ni Mate nahisabutan an detalye kon pira gudman an naka assign nga mga JO ha kada konsehal ngan an opisina ni vice mayor sambo yaokasin tubtub han deciembre 2018.


Subay han baton ni Mate na gawas nga an pamilya han mga Chua nga miemro han konseho ha Tacloban an may pinakadamo nga Job Order workers han 2018.

Kahuman nga ma sita han COA an sobra nga ka damo han mga JO han Sangunian, nagka sarabot an mga department heads upod hi Vice Mayor yaokasin nga ibanan an kadamo han mga JO nga naka destino ha mga konsehal han siyudad.

Dida han baton ni Vice Mayor Yaokasin hiya in nag sering nga 68 la an iya guin kuha nga mga JO subay han aprubado nga budget para han iya opisina ngan kon umabot man hin 326 an total han mga JO, an pundo nga ginamit han pag pa sweldo in tikang ha office of the Mayor sugad han Barangay Outreach program funds,Records Management program funds, Liga ng mga Barangay funds ngan SK funds.

Hiya pa in nag sering nga iton Mayor hit siyudad in may gahum nga mag dugang hin mga mag tratrabaho kon haiya pag kita ini in kinahanglanon sugad hiton pag bulig nga mas maguin maupay pa iton trabaho han mga miemro han Sangunian.

Dida han audit report han COA guin saysay an mga pundo nga ginamit pag sweldo han sobra nga mga JO han Sangunian nga tikang ha Mayors Office.

Pero kay ano nga deri maaram hi Mayor Romualdez nga haiya man ngay-an opisina nag tikang an pundo? Hin-o an nag maniobra nga na sugad ini nga sitwasyon.

Naobserbahan pa han COA nga uro-utro la an mga accomplishment report han mga JO ngan an mga petsa la ngan ngaran, ngan an pira an nag babag-o.

Sumala pa han COA nga sayop an pag gasto han pundo han Mayor’s Office para ipa sweldo han mga JO han Sanggunian ngan ini in talapas han General Appropriation Ordinance han 2018 han Tacloban.