Isumat.com/2:45PM,May 5,2020

Kinahanglan tapuson na an termino ngan ibanan an kadamo han mga Contractuals ngan Job Order (JO) nga mga personales han lokal nga pang gobyernuhan han Carigara, Leyte.

An Commission on Audit (COA) in nagmando ha LGU-Carigara nga maghimo hin pitad mahitungod hini kay nagpapakita an audit findings nga sobra-sobra an gastos han gobyerno para han pagpa sweldo hini nga mga magtatrabaho. Dida han Audit Report para han 2019, nakagastos an LGU hin haros 19 milyones pesos para han 256 nga Contractuals ngan JOs. Para han COA, ira ini ginkokonsiderar nga over spending.

Nagawas gihapon dida han COA Report, nga nagkaka paprehas an mga trabaho hini nga mga personales ngan waray ginkaka-ibhan an ira mga accomplishment report. An nagkaka-iba la an mga ngaran ngan pirma, pahayag pa han COA.

Sumala pa han report, an HRMO han Carigara in waray detalyado nga record o files para han nasabi nga mga personales.#