Isumat.com/9:25AM, July 7, 2020
Nag-antos hin mga kasamdan ngan kinamrasan in usa nga parag-uma ha Maripipi, Biliran han pag-atakihon hiya hin unggoy.
An biktima in ginkilala nga hi Jeffrey Rosario, 34 anyos, waray asawa ngan nag-uukoy ha Brgy Olog, Maripipi. Hiya in gindara ha Rural Health Unit basi pagtambalon.
Sumala han imbestigasyon, nabisto ni Rosario nga an unggoy an nag-aani han iya mga tanom. Amo gihapon ini an sumbong han iba nga residente nga ginkikinawat han unggoy an bunga han ira mga tanum.
Hadin nag-agi nga adlaw, na-aktuhan han biktima nga naremedyo na liwat an unggoy pero waray magpatarantar an unggoy ngan ginsagparakan an lalaki, ngan dida nagdulong na hira. Kumalagiw liwat an unggoy katapos han ira away.
Sumala kan Maripipi Mayor Joseph Caingcoy, syahan pala ini nga panhitabo ha ira lugar salit napapa-usa hira kun kay-ano nga makikig-away an unggoy ha tawo. Sering ni Caingcoy, sugadsugad nga nagigin agresibo na ini nga mga hayop kay pinangugutom na ha kagugub-an. #
