TACLOBAN- Patay an usa nga lalaki mahuman nga panbubun-on han iya la mismo magurang nga bugto mahitungod la han usa nga babaye.

Ginkilala an biktima nga hi Jonie Magno, 42 anyos an pangidaron ngan residente han Brgy. 79 Marasbaras ha syudad han Tacloban.

Sumala kan PO3 Enrique Cua Jr, imbestigador han Police Station 1 nga nakit-an nala nga patay an mao nga biktima ha iya mismo kwarto

Nakag-angkun ini hin Lima nga binun-an rasun han dayun nga kamatayon hini.

Sumala naman han suspek nga hi Jaime Magno, 51 anyos an pangidaron nga nagdulom daw an iya panhuna-huna han makasabot ini tikang ha iya mga amyaw nga mayda relasyon an iya bugto ngan an iya asawa.
Waray naman hini kapugngi nga magbasol ha kaurhi urhi-an mahuman an insidente.
Narecover ha crime scene an usa nga duguan nga hingagiban nga may kahilaba nga 11 pulgada.
Samtang, dayon naman nga sumurender ha mga otoridad an mao nga suspek.