(Photo courtesy)

Isumat.com/12:03PM, Enero 25, 2021

Binawi-an hin kinabuhi an usa nga Municipal Councilor ha Pinabacdao, Samar han pagpanmumuslon hin deri pa kilalado nga mga suspetsado pasado alas 9 han aga, Enero 25, 2021.

Dida han inisyal report tikang ha Pinabacdao PNP, ginkilala an biktima nga hi Konsehal Samuel Lagario, 50-anyos, inasaw-an, ngan residente han Brgy Parasanon han nasabi nga bungto.

Hi Lagario in nagmamaneho han iya motorsiklo ha national highway Brgy Laygayon han paarakan hiya hin bala hinungdan han iya kamatay. Kadagmitan naman nga umiskapo an nagbuhat han krimen.

Tobtob yana, waray pa katutudlok kun hira hin-o an mga suspetsado, ano an ginsakyan ngan iba pa nga detalye.

Hi Lagario in nagin Brgy Chairman anay han Parasanon hadton 2010 ngan nagdaog ka konsehal han bungto hadton 2019 Elections. Hiya in kumandidato ha ilarum han partido PDP-Laban. #