Isumat.com/7:34AM, Pebrero 6, 2021
“Kinahanglan mayda makaka-gradwar ha kolehiyo ha kada pamilya ha Kananga, Leyte.”
Ini amo an panuyo han LGU sanglit ginlalatag yana an plano nga makaghimo hira hin kalugaringon nga kolehiyo nga tatawagon Kananga Community College (KCC).
Hadin nag-agi nga adlaw, an mga miembro han Kananga Management Committee ha panguna ni Mayor Matt Torres in nagkaada hin miting ug sentro han hiruhimangraw an mga detalye ngan pamaagi ha pagtukod han eskwelahan.
Sumala pa han komitiba, kinahanglan deri mabayaan an bisan hin-o ha Kananga ha pag-aradman, sanglit angay la nga porlomenos mayda usa nga miembro han pamilya nga makakagtapos pag eskwela dida han nasabi nga kolehiyo.
Samtang, nagdumara gihapon hin on-line orientation an mga personales han LGU para han software system han ira streetlights kun diin igpapatuman an interconnectivity feautures.
Sumala han pahayag han LGU, an Kananga amo an syahan ngan nag-uusaan la yana nga bungto ha Pilipinas nga mayda streetlights interconnectivity. #
