Tacloban City – Ini an dako nga pakiana ha mga nag dudumara han Tacloban City Police Office ha pag pangulo ni Supt. Domingo Cabillan iton Chief of Police.
Kinakaptan na han usa nga priso nga na kilala kan Erwin Hibo an granada nga waray na pin han mahisabutan han mga kapolisan kahuman ini nga mag deklara nga pabubuthon niya ini kon deri hiya pagagaw-son han iya Selda.
Dara han kahadlok nga bangin gudman ini pabuthon ngan madamay in iba pa nga tawo pinagawas an priso ngan nag dinalagan ini tikadto ha may Magsaysay Boulevard nga dapit.
Kadagmitan nga guin sunod ini han mga kapolisan nga mayda na kamanduhan nga pusilon an biktima kon ini in umato mahitungod han peligro nga ma idudurot hini ha publiko.
Ka korner ni Hivo han mga Kapolisan guin labog hini an granada ha ligid han Baybayon hinungdan han kasamad hini ha magka lain lain nga parte han iya lawas ngan kadagmitan nga guin dara ha EVRMC para hin medical treatment.
Kasumpay hini guin relieve na hi PO2 Norman Abellanosa an duty nga police durante han mao nga insidente samtang nga guin dudumara pa in usa nga mahugot nga imbestigasyon han mao nga insidente.
Posible nga ha sulod han balunan hin pagkaon guin butang an granada hinungdan nga nakasulod ini ha prisohan sumala han intial nga imbestigasyon han mao nga pan hitabo.
Mahitungod hini nag patuman na hin mas estrikto nga seguridad an Tacloban PNP agud masiguro nga deri na utro mahitatabo an mao nga insidente. (isumat.com)
