Isumat.com/9:15AM,May 22, 2020
Hi Cadet Ist Class Jade Campo Villanueva nga taga Tacloban City amo an ika-duha dida han magtatapos ha Philippine Military Academy yana nga tuig.
Hi Villanueva in makakakarawat han Philippine Army Award, Vice-Presidential Saber Award, Academic Group Award, Australian Defense All Performance Award, General Antonio Luna Award, ngan iba pa nga mga pasidungog komo class salutatorian.
An PMA an nagpagawas han Top Ten han Class Masidlawin 2020 pira pala ka oras an nakalabay.
An nanguna han bacth amo hi Germalyn Sugui nga taga Echague, Isabela.
Ha syahan nga higayon an kanan yana nga tuig graduation ceremonies in deri abri ha publiko. An mga paryente ngan pamilya in deri makakatambong han seremonyas dara han health protocols han corona virus pandemic.
Dida han 196 nga graduates, 100 an maapi ha Philippine Army kun diin upod hi Villaneuva; 45 an mapakadto ha Air Force ngan 51 an maapi han Philippine Navy. # (KEVIN SIOSANA)
