Isumat.com/6:29PM, September 13, 2020

Usa nga lalaki an namatay ngan lima nga iya kaupdanan an na-aresto dida han gindumara nga buy-bust operation han mga operatiba han PDEA ngan Tacloban PNP Station 2 Anti-Drug Unit banda alas 5 han kulop, yana nga adlaw, Setyembre 13, ha Brgy 66, Serin District, Tacloban.

Nagsering an imbestigador nga naka-abat an mga suspetsado nga mga tinubyanan han balaud an ira ka-transaksyon sanglit umato ini pinaagi hin pakigpinusilay.

Samtang ginsusurat ini nga notisya, waray pa igpahayag an mga pangilal-an han namatay ug an nagkadadakop. Naka-kumpiskar an mga otoridad hin pira ka sachet hin gintotoohan nga shabu tikang han mga suspetsado.

Masunod an mga detalye ha panahon nga ighatag na ini han mga imbestigador. # (With info from Juls Ripalda- I Transform Eastern Visayas-Philippines)