Isumat.com/8:13AM, August 20, 2020

Namatay an usa nga lalaki han pusilon hiya han anay Barangay Captain ha Gimiranat East, La Paz, Leyte hadin Agosto 19, 2020.

Ginkilala an biktima nga hi Ronnie Manzano, 45 anyos; samtang an suspetsado amo an 65-anyos nga hi Diego Francisco, anay kapitan han mao nga barangay. Banda alas 10 han aga kakulop, hi Manzano in pumakadto ha balay han suspetsado ngan sugad sugad nga nangangayat hin away.

Nag-ginuli-at hi Manzano ha gawas han balay pinaagi hin pagsering nga ” Labas matanda…labas.” Gumawas gud man hi ex-kapitan pero bitbit an waray pa katudlok nga kalibre hin pusil ngan ginpabuthan an biktima.

Binawi-an han kinabuhi hi Manzano dida mismo han lugar han insidente. An suspetsado in boluntaryo nga nagsurender ha mga otoridad.

Padayon gin-iimbestigar kun ano gud an gintikangan han dilito ha butnga han biktima ug han suspetsado. #