Isumat.com/8:25AM, August 18, 2020

Nagdurot hin pagkabaraka ha katawhan an makusog nga pagbay-og han linog nga gin-abat han haros ngatanan nga parte han Eastern Visayas.

Sumala han report han PHIVOLCS, natabo an linog alas 8:03 yana nga aga. An sentro han linog in natudlok ha Cataingan, Masbate. Namumutang ini 65 kilometros tikang ha Masbate City. An kahiladmon in usa la ka kilometro tikang ha igbaw han tuna. Ini in nagdara hin Magnitude 6.5 nga pwersa dida han sentro.

Intensity 5 an gin-abat ha Masbate City.

Gin-abat an Intensity 4 ha Mapanas, Northern Samar sugad man ha Palo, Naval ngan Tacloban. Intensity 2 naman ha Ormoc ngan pira pa nga parte han Region 8.

Naghihimo na yana hin panginano an mga otoridad kun nagdurot hin distroso ha mga lugar nga apektado an nasabi nga linog. #