Isumat.com/8:25AM,July 02, 2020

Yana nga mga panahon, kun makakabati kita han pulong nga Positibo, deri maupay it karuyagsidngon tungod han COVID-19 Pandemic. Amo gihapon ini an epekto han Red Tide nga nakakadanyos han prudukto han kadagatan ngan posible makagbutang ha kataragman han kinabuhi.

An Bureau of Fisheries and Aquatic Resources (BFAR) Regional Office in nagpasamwak nga apektado yana han makahirilo nga Red Tide Toxin an duha nga kadagatan ha aton rehiyon.

An Cancabato Bay ha Tacloban ug an Matarinao Bay nga nakakasakop han General MacArthur, Hernani, Salcedo ngan Quinapondan ha Eastern Samar an positibo han red tide, subay han iginpagawas nga Local Shellfish Advisory han BFAR.

Dara hini, nag warning an BFAR kontra han pagkaon han mga pangti-on tikang hini nga mga parte han kadagatan. An isda naman in kinahanglan limpyuhan hin maupay an sulod ha ginhawa ngan tanggalon an hasang.

An BFAR in padayon an mahugot nga monitoring han tanan nga kadagatan ha Eastern Visayas basi maprotektaran ngan mapa-uswag an industriya han pangti-on ha Region 8. # (KEVIN SIOSANA)