(File photo)

Isumat.com/8:20AM,July 20, 2020

Dayuday na nga na-utod an iligal nga pakabuhi hin usa nga drug suspect tungod kay hiya in namatay han makigpusilay kontra han mga operatiba han PNP Regional Drug Enforcement Unit didto ha Sogod, Southern Leyte.

An namatay in ginkilala nga hi Mark Anthony Gan alias Macmac nga nag-uukoy ha Brgy Zone 1. Hiya in ginkokonsiderar nga High-Value Target han mga tinubyanan han balaud.

Dida han imbestigasyon, an mga otoridad in nagdumara hin buy-bust operation pero naka-abat an suspetsado nga mga kapulisan an iya iginkaka-transaksyon. Dida hini, humugot hin pistola hi Gan ngan ginpabuthan an kapulisan. Bumulos pagpabuto an mga otoridad ngan naigo an suspetsado ha magkalainlain nga parte han iya lawas. Gindara pa ha hospital an suspetsado pero igindeklarar han mga doktor nga dead on arrival.

Nakuha tikang han lugar han panhitabo in usa nga kalibre .38 nga pistola ngan mga bala sugad man 15 ka sachet hin gin-aalegar nga shabu tikang han suspetsado. #