Nag negatibo ha covid virus an unom ka tawo nga lumikay nga mapa ilarom ha quarantine ha bungto han San Miguel Leyte.
Ini an guin sumat ni San Miguel Leyte Mayor Norman Sabdao ha interview han RMN Tacloban ha programa nga “straight to the point”.
Pero deri karuyag sidngon nga waray na hira Baratunon mahitungod Kay an ira binuhat in pag talapas han mga health protocols Ngan pag bali waray han otoridad han lokal nga pan gobyernohan nga ma proteheran an katalwasan han kadam-an ha sakit nga covid sumala pa kan Mayor Sabdao.
Guin aadman na han local Inter-agency task force kon Ano nga mga pitad an pag hihimoon kontra hini nga mga tawo lakip na an pag pasaka han ka angayan nga mga kaso agud maguin leksyon para han iba nga mayda liwat plano nga mag buhat hini labi na nga mayda naka talaan nga umabot nga mga na stranded nga mga taga San Miguel tikang ha cebu ngan manila labot la han mga returning OFW’s ngan balik Probinsiya beneficiaries sumala pa kan Mayor Sabdao.
Tikang ha Las Piñas City an mao nga mga tawo nga nag pasabot nga hira in mauli pero waray na an mga ini ma contact han masulod na ini ha probinsiya han leyte dumiretso na ngay-an han barangay Santol han mao nga bungto ngan iba nga rota an guin agian agud maka likay han mga otoridad.
