Isumat.com/7:23AM, October 27, 2020
Arestado an usa nga maestro han Polompon Institute of Technology dida han gindumara nga buy-bust operation han kapulisan hadin nag-agi nga adlaw.
Ginkilala an suspetsado nga hi Daryll Capuras, 28-anyos, inasaw-an, College Instructor ha PIT, ngan nag-uukoy ha Brgy Taberna, Palompon, Leyte.
Hi Capuras in nadakop dida han operasyon han mga elemento han Palompon PNP ngan Drug Enforcement Unit han Leyte Provincial PNP Office didto han lugar kun diin residente an suspetsado.
Nakumpiskar tikang kan Capuras in upat ka sachet hin gin-aalegar nga shabu ug an kwarta kantidad hin 500 pesos nga gingamit dida han buy-bust.
Nakaspalak yana ha Palompon PNP an suspetsado ngan nakatalaan umatubang han mga kaso nga iginsalawad kontra ha iya. #
