(File photo)

Isumat.com/Mayo 12, 2021

Tumalikod ha kadayunan an mangulo han tanod ha Brgy Campetic, Palo, Leyte han mahidabi hin aksidente an motorsiko nga iya ginmamanho-an kakulop, Mayo 11, 2021.

Dida han report han Palo PNP, ginkilala an biktima nga hi Catalino Santos, 32 anyos, residente ngan Chief Tanod han nasabi nga barangay.

Nagpapakita an imbestigasyon nga hi Santos in tigawas ha St Scholastica’s Village sakay han iya motorsiklo han mabunggo ini hin kotse nga Suzuki Celerio nga ginmamaniho-an ni Carousel Tumpalan nga taga Tanauan, Leyte.

Tungod han kawarayi kontrol han motorsiklo, nabangga gihapon ini han nagsusunod ha iya nga Nissan SUV.

Gintalinguha nga madara ha hospital an biktima pero gindeklarar han mga doktor nga Dead on Arrival.

Hapagkayana, padayon an imbestigasyon han mga otoridad basi masalawdan han kaangayan nga kaso an duha nga mga drayber han magkalain nga behikulo nga nahidabi han insidente. #