TACLOBAN CITY – Mahugot gihapon an pagpatuman han Checkpoint ha siyudad han Tacloban para ha mga nagawas ngan nasulod nga mga sarakyan ha sakob han siyudad.
Ha ginpagawas nga official statement ni Tacloban Mayor Cristina Romualdez, nga komo pakikiusa ha declaration han Batas Militar ha Mindanao in bantay sarado an mga entry ngan exit points ha Tacloban.
Pira ha mga checkpoint areas ha siyudad in amo an Diit PCP, Marasbaras PCP, Imelda Village, ngan San Jose Airport.
Nabaruan nga an Tacloban in gate way han mga motorista nga nagtitikang ha Luzon ngan pakadto ha
Mindanao.
Ginpapag-ikmat liwat hini an publiko labi na kun mayda nakikit-an nga mga urusahon nga mga indibidwal
labi na an mga gusto nga magbuhat hin terorismo.
Sumala naman kan PSSUPT Rolando Bade Hepe han tacloban City Police Office, nga magpapabilin an mao nga Check point samtang nagpapailarum ha Martial Law an Mindanao.
