(Phto by Biliran Island.com)

Isumat.com/8:01AM, August 15, 2020

Nahulog ha mga kamot han balaud an usa nga barangay kagawad ha probinsya han Biliran han ma-aktuhan hiya nga nagbabaligya hin iligal nga droga.

An suspetsado nga ginkilala nga hi James Cabe in na-aresto dida han buy-bust operation nga gindumara han mga operatiba han PDEA-Region 8 ha bungto han Kawayan, Biliran. Hi Cabe in residente ngan kagawad ha Brgy Masagaosao.

An mga ahente han PDEA in nakapalit tikang han suspetsado hin tulo ka sachet hin gin-aalegar nga shabu nagkakantidad hin 54 Mil pesos.

An suspetsado nga ginkokonsiderar nga High-Value Target han PDEA in nakapaslak na yana ha Kawayan PNP Office ngan nakatalaan umatubang han mga kaso kontra ha iya.

Han nag-agi nga pira ka bulan, kadam-an nga mga opisyal hin barangay ha magkalainlain nga parte han Eastern Visayas in nagkadadakop tungod han iligal nga droga. #