Usa nga Barangay Kagawad ha Calbayog City, Samar an naawat an kinabuhi han pusilon ini hin deri pa kilalado nga mga suspetsado didto mismo han iya lugar hadin Marso 15, 2020.
Subay han inisyal nga imbestigasyon han mga otiridad, an biktima nga hi Ronald Belleza, kaapi han konseho han Brgy. Carayman, Calbayog in nakikig-istorya hin pira nga iya kasangkayan han mayda umagi nga van kun diin sakay an mga suspetsado nga tigda la nga nagpanmumusil han biktima.
Gindara pa hi Belleza ha hospital pero gindeklarar han mga doktor nga dead on arrival, samtang an mga suspetsado in kadagmitan nga naka-eskapo.
Hinsabutan nga may mga alegasyon nga an biktima in mayda record hin paghilambing hin iligal nga droga. Padayon naman nga gin-iimbestigar han kapulisan an nasabi nga insidente. #
