Tinikangan yana nga adlaw, Marso 12, waray la anay mga mulay ha National Basketball Association.

Nagpahayag an pamunuan han liga nga suspendido na tanan an mga oyag katapos la nga mag positibo ha COVID-19 an player han Utah Jazz ngahi Rudy Gobert. Ini hi Gobert amo an center han Jazz nga All-Star ngan Defensive Player of the Year.

Sumala pa han report, deri pa maaram an NBA kun san-o igbabalik an murumlay samtang ira pa gintitirutimbang an sitwason yana.

Kakulop, plano na hadto han NBA nga himoon nala an mga oyag ha “neutral places” o mga lugar nga deri damo o waray mga kaso han COVID-19. #