Hi Cristyl Aiwa han Basey, Samar ngan Stephen Lavado han Borongan City an mga nagdaog han gindumara nga Miss & Mr Bikini Open 2022 kakulop, Disyembre 2, 2022 Surf City, Baybay Blvd, Borongan City, Eastern Samar.

Ini nga aktibidad in gin-organisar han Borongan City Press Club nga nagserbe komo side-event han National Surfing Championships didto han mao nga syudad nga matatapos Disyembre 3, 2022.

Hira Aiwa ngan Lagado an nagin malinangpuson nga maka-angkon han mga titulo dida han event nga gin-apihan han mga surfers ngan non-surfers.

Hi Aiwa in nakakolekta gihapon hin special awards sugad han Miss Body Beautiful, Miss Fitness, Miss Hottest Babe, Miss Face of the Night ngan Miss Yummy Physique.

Ha luyo nga bahin, hi Lavado in natudlok nga Mr Photogenic ngan Mr Hottest Hunk.

Sumala han mga organizers, igpapadayon ini nga kompetisyon ha masunod nga mga panahon ngan pirmi igdudungan han kada tuig nga leg han National Surfing Championships ha Borongan City. # (Photos CTTO)